ಮುನ್ನುಡಿ - ಡಾ.ವಾಮನ ನಂದಾವರ

ಶಶಿರಾಜ್ ರಾವ್ ಕಾವೂರ್ ರೆನ ಈತ್ ಮಾತಾ ಗಾದೆಲೆನ್ಲ್  ಯಾನ್ ಬೊಕ್ಕಲ ಬೊಕ್ಕಲಾ ಓದುದು ಆ ರಾಶಿಡ್ದ್ ಒಂಜಾತ್ ಪೆಜ್ಜಿದ್ ಎನ ಗೇನೊದ ಜೊಳಿಗೆಡ್ ದಿಂಜಾವೋಂದು ಸಬಿತೋಂದುಲ್ಲೆ.ಅವೆನ್ ಮಾತಾ ಒಟ್ಟು ಒರ ಜಮಿತ್, ಗುಣಿತ್ ತೂಂಡ ನಾಲೈನ್ ರಾಶಿಲೆನ ಒಟ್ಟು ಬೆರಾದ್ ಪರಡಾದ್ ದೀತಿಲೆಕೋ ತೋಜುವೊ.

ಎಂಚಿನಾಂಡಲಾ ಗಾದೆ ಉಡಲ್ ಗ ನಾಟುನೆ ಅಯುಟುಪ್ಪಿ ಪ್ರಾಸ ಅಚ್ಚರೊದ ಅತ್ತಂಡ ಪ್ರಾಸ ನುಡಿತ್ತ ಜೋಡುನೆಡ್ದ ಅಂಚಿತ್ತಿ ಗಾದೆಲು ಶಶಿರಾಜೆರೆನ ಕಡ್ಡಿಲ್ದ್ ಕೊಡಪುದ ಪೊಸ ಕೊಡಿಪುಲು ಪುಡತ್ತದ್ ಒರ್ಮೆಲ್ ಕಿಟಿ ರಟ್ಟುನ ಮಾಲೆ ಪಟಾಕಿಲು.

ಬೆರ್ಚಪ್ಪಡ ಚರ್ಚೆ ಪಾತೆರ್ಯೆರೆ ಕುಲ್ಲಿಲೆಕ್ಕೊ...ಇಂಚಿತ್ತಿ ಗಾದೆಲೆನ್ ತನ ಉಡಲ ಕರ್ಜನೊಡ್ದು ಪಿದಾಡ್ಪಾವುನವೇ ಅರೆನ ಸ್ರಜನಶೀಲ ಶಕ್ತಿದ ಪ್ರದಾನ ಅಂಶ..
- ಡಾ.ವಾಮನ ನಂದಾವರ